((((( اووف )))))) - عدنان العنزي

(أوف) وش هالحلا يا نادر النوع
يا سارقه حلا البشر من حلاتك

يآول غرامٍ في حياتي مجموع
حتى القمر اثره سارق سماتك

نظرتك تشهي ويصيبني جوع
ويا لبا الجوع إلي يجي من شراتك

قدرك عن البشر ترى حيل مرفوع
ليت البشر توصل لحدود غلاتك

كلي حلالك من الكوع للكوع
أذوب إذا شميت ريحة عباتك

إلي يعجبك إنه دافي وميّوع
وإلي يتعبني اكثر ثقلت خطاتك

يا طيب يا هادي يا غلا دلوع
يا قاطفه تفاح الحلا من جِناتك

يا جميل العين مع وجه مربوع
يإلي يعكس النور طبعك وذاتك

يا دايم الضحكه يا احلى صرقوع
يا جاذب السامع لضحكة شفاتك

يا قايد القاف لك رغم انفه يطوع
بس مهما أكتب ما أجي عند صفاتك

تتعبني الفكره وأبنيها مشروع
وأرباح مشروعي كسبت حياتك

ازرع غلاتك زي ما تزرع زروع
واحصد نتيجة محبة نباتك

(أوف) وش هالحلا يا نادر النوع
يا سارقه حلا البشر من حلاتك

يآول غرامٍ في حياتي مجموع
حتى القمر اثره سارق سماتك

© 2023 - موقع الشعر