الــمــصيـــبـــــه - عبدالله مرزوق المرشدي

المصيبه لاطعنك اللي تعزه في ظهرك
وانت غافل مادريت الا بعد رمحه طعنك

من ذهول الصدمه اللي عشتها ياقف شعرك
خص لامن جات من شخصٍ رفيق لك ومنك

تظلم الدنيا بعينك ماتقدا في بصرك
تنغبن والعقل كنه بالحلول يغيب عنك

تبتلش بين الشجاعه والرفيق اللي خسرك
ياترد الصاع والا تنغبن باقي زمنك

راح يبقى في خفوقك جرح ذكرا من غدرك
وبصمةٍ سودا على وجهٍ حشمته وامتحنك

يامقر الطيب قلي بالطفايس وش حشرك
وش يجيبك وسط ناسٍ خبثها سيله دفنك

عشرة الجهال والانذال فيها وش جبرك
خلها تولي وتلقى رفقةٍ تعرف ثمنك

يازمان الغدر يكفي لاتوريني قشرك
لاتراهني كفايه فكني واكسب رهنك

يازمن يدور يومك مع سنينك مع شهرك
وبالنهاية تفجع اللي ماعرف قدرك ومنك

© 2024 - موقع الشعر