قبل امس اشوفك ماترد السلامي
واليوم من تقبل على طول سلمت
مدري كذا طبعك قليل احترامي
والا معي بالذات فقت وتعلمت
تراك عندي اسم ضمن الاسامي
ماحس بك لو كان صحت وتندمت
قلي عسى ماشر ويش انت رامي
وش طاري بالفكر وش بك تلعثمت
تشر علي باصابع الاتهامي
ومن اللعانه لانظرتك تبسمت
ودك تكلم بس ضاع الكلامي
عينك تكلم وانت ماقد تكلمت
ان كنت لي يابارد الوجه ضامي
تراي عن شوفك وعن هرجتك صمت
وان كنت تبغى فزعتي واهتمامي
تبطي عظم ياميت النار ماقمت
منته كفو قولي وسلة حسامي
حتى ولو من تاليتها تالمت
فكري عن الهفوات والذل شامي
لاني عن الرديان والمبزره شمت
مثلك يقوّد بالرسن والخطامي
لو اجدك فالسوق بريال ماسمت
تدري لو انك تنستر باللثامي
كان استحيت من الخطا ماتهجمت
اخير منّك لابسات الزمامي
حتى لو انك باللثامه تلثمت
ترا المعزه والوفا للكرامي
والا الردي مايحمل اللوم لالمت
قيفان شعري ماتنزل مقامي
حتى ولو في وصف مثلك توثمت
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.