سوال من الراس

ياناس انا عندي سوال من الراس
ودي بحله كان له حل هاتوه

ياويش ياهل العرف مجموعة اقواس
واللي وسطها كنكم ماقريتوه

لا يجلب النفعه ولا يذهب الباس
افضل منه لو كان كتبه محيتوه

فيه الرجا مقطوع من جملة الناس
لكن خساره عاد لو ماعرفتوه

وصفه يخلي صافي الفكر يحتاس
لاقبلها يذكر ولا قد سمعتوه

على الطبيعه للبشر منه وسواس
حتى ولو شفتوه قلتو لمحتوه

يعني كذا مخفي وظاهر وينداس
لو تاجدونه كنكم مالقيتوه

تقول مدسوسٍ ورى حمر الاطعاس
على مزاجه لابغاكم طرحتوه

من يملكه ظنه ملك قطعت الماس
من يملكه من جد مبلي ومعتوه

فصلت له ثوبٍ من الشعر بقياس
ولاضنتي وصفه بقافي فهمتوه