لبن بط - عبدالله مرزوق المرشدي

ياصاحبي لاتكثر الشيل والحط
محدٍ سكن في وسط الاضلاع غيرك

لو قلت جبلي من عنادك لبن بط
جبت الك مايسعد بشوفه نظيرك

لاتحسب اني في هواك اتعبط
تراي ماشٍ صح في خط سيرك

نظام فكري من عرفتك تلخبط
شوش رداري يوم طيرت طيرك

تبعد وانا اللي في غلاك اتشبط
كني دخيلٍ زابنك يستجيرك

ارسلت قيفاني بوصفك توسط
وجتني عليها من بقايا عبيرك

بعض الحروف اشوف من تحتها خط
والبعض الاخر مايحدد مصيرك

تدري باني عاد من خلقتي قط
محدٍ اسرني لكن اصبحت اسيرك

ان كان يرضيك بهواك اتمرمط
قلها صراحه كثر الله خيرك

بقول لك خلاص في نومتك غط
واذا صحيت الشوق يمي يديرك

اببتعد وانته على ماتبي حط
ماني بجايك بالفراق استشيرك

حتى لو الاخلاق لارحت تشتط
اصبر وصلفات الليالي تثيرك

© 2023 - موقع الشعر