الجواهر

لاح في عنقها عقد الجواهر برق
فوق زين الجميله زادها العقد زين

ولاح بين الشفايف ومض برق شرق
بين جمر الغظى هالدر سهل يبين

قلت ابشغل من أجلك غافيات الورق
دام فيني اشتعل ساعة فقدتك حنين

اه يا هالجفا ما اقاه يومه سرق
الهنا والسعادة والأمل من سنين

جيتك شالت اللي في همومه غرق
يوم رحتي ومني عقب بعدك سجين

اسكبي نهر جودك في ليالي الأرق
خلي أقسا الليالي في وجودك تلين

شوفي برد الليالي يوم جاك أحترق
مني بفضل عطفك للزمان الحزين

المزايين واجد لكن الله فرق
وانتي زينك لحالك... لا ولا تشبهين

كن في سلهمة عينيك رمح رزق
وفي خدودك زهور الفل والياسمين