ويلاه يا قلب - عبدالله زومان

أبكيه أنا يا ناس وابكيه وابكيه
وأندب أنا حظي وأعزي عيوني

القلب ما ألومه بكن كان يغليه
كل المصايب غير موته تهوني

مات الذي من بدة الخلق هاويه
جاني خبر يا ليت ما خبروني

العين عقبه لذة النوم تجفيه
خطير من عقبه يجيني جنوني

جيبولي اللي له فؤادي مصافيه
جيبوه وأخذو يا بشر ما تبوني

ويلاه يا قلب تزايد بلاويه
قلب على فرقا الجيب مغبوني

كل البشر لو جت لقلبي تسليه
ما عاد يسلا لو سلوا ما سلوني

متكدر ليه كثير العزا فيه
ما غمشت من عقب موته جفوني

يا ناس هذا القلب زاد الشقا فيه
ارفع لكم بالصوت لي ساعدوني

ما يرجع اللي مات لو كنت راثيه
ما عاد للميت تفيد الحزوني

يا ناس ما ينلام من مات غاليه
لو اعتزل كل البشر يعذروني

© 2024 - موقع الشعر