جيت أبرسم

جيت أصوّر حبيبي وأرسممه في وضوح
جيت أبرسم ولكن بأي لون أطبعه

لون خلّي يشابه ومض برقٍ يضوح
مازجٍ فيه ملح الخلق كله معه

حرت في رسمته بين الجبين الصبوح
وبين وردٍ بخدّه خايفٍ لأقطعه

إن سكت به خجل.. وليا تكلم مزوح
أثر كل المحاسن نور عيني جمعه

عقد لولو لمع بين الشفايف يلوح
ما تخفيه طرقه.. لو بغا برقعه

والمنايا بعينه يوم سلهم ذبوح
كل ما طرف عينه للملا يرفعه

كل ما وزّع البسمه تفتح جروح
بالمعاليق جرحٍ في يدّه وسّعه

تشبه المهرة الصفراء الأصيل الجموح
يا حلو كل طبعه في غنوجه ودلعه