البارحه

البارحة ليلي قضيته بتفكير
والقلب مني فيه عله... وعله

ذكرت من له داخل القلب تأثير
اللي ليا سولف حشى ماتمله

صادق صدوقٍ ماحصل من تقصير
فيه الوفاء والطيب والزين كله

عندي عزيز..... ومنزله دئما غير
بين الضلوع وسط قلبي..... محله

افزله........ وقدرك غير تقدير
ورخص له المطلوب دقه وجله

واللي يبيه يصير بالحيل بيصير
بإذن الولي وكل عقدن نحله

نجيب له ما طلب.. من دون تأخير
كله على شانه وكله رضله

يالله عساه بغيبته دايم بخير
وعسى السعادة تتبعه مثل ضله

قلته ولاني سمعٍ كلمة الغير
وكلن على ماقيل دربه يدله