شفت بحياتي ناس تنهش بها لناس
ناس(ن) تبا.. تحط الأوادم مداسي
ناس(ن) تقلب بالحقايق على ساس
رامت حيات الغش في قلب قاسي
ناس (ن) مجالسها تقودك..للإفلاس
ما همهم يا كود..هرج ألد ناسي
ما عندهم ذمه...ولا فيهم إحساس
إسعادهم شب الفتن....والمآسي
وشفت بحياتي ناس تفرح ألها( لناس )
ناس(ن) لفعل الخير مثل الرواسي
فعالةٍ للخير...مع كل الأجناس
وحبها للخير....ماله مقاسي
ناس(ن) مجالسها تنو مس تنو ماس
فيها الوفا والطيب... شين أساسي
لا جيتهم ترتاح....لو كنت منحاس
والهم زال..وعنك زال العماسي
سوالف(ن)..ياصاحبي ترفع الراس
وفنجالٍ أشقر..من إدلالٍ مراسي
هذا وفيه اجناس..... وجناس وجناس
فيهم رحومن... وكريمن.. وجاسي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.