اهل النميمه..!!

البارحة ساهر وجر المواويل
والقلب مني تقل يصليه صالي

قضيت ليلي بين هم وغرابيل
أداور التفكير يمنى وشمالي

همومن توا ردني بحل(ن) وترحيل
تواردن القلب مما بدالي

أشوف ناس(ن)همها القال والقيل
ناس(ن) على شب الفتن ما تبالي

ناس(ن) تزيد السالفة بالأضاليل
وتبروز الموضوع برواز غالي

حسبي عليهم كيف بالحط والشيل
ويغيرونه من مجال لمجالي

يالله يا عالم..تهد الهم الحيل
ياواحدن عالي على كل عالي

نسألك يا رحمان.. يا عادل الميل
شتت اجموع محرمين الحلالي

أهل النميمة والقفا..شيلهم شيل
شببا بت النيران بين الأهالي

في قدرتك يأرب..طف القناديل
وبدل لنا مر المشاريب حالي

وصلاة ربي عد.... همل ألهما ليل
على نبين منزله بالأعالي