شايلٍ قلبي - عبدالله العليوي

وجيتك ....
شايلٍ قلبي على كفي
أقول اللي مضى يكفي
عجزت أصبر على فرقاك
تعالي !! ...
ضاقت الدنيا ... وش الدنيا
بلا حبك
وش القمرا ... بلا نورك
وش الذكرى ... بلا ذكراك
وقلتي ...
عفت أنا حبك .
أنا مليت من دربك
وصار فراقنا ... أرحم
من التعذيب في نارك
لغيري ... وفر أعذارك
أنا مليت ذاك الحب
ولا عندي أمل رجعه
نويت أبعد ... نويت أنساك ...
وتلاقت عيني بعينك
لمحتي دمعتي صدفه ... وفي لحظة ...
نسيتي كل ماقلتي
© 2024 - موقع الشعر