من البارح!! - عبدالله العشيشان الشراري

من البارح وانا ويّا السهر كل(ن) على جوه
تقهوينا القصايد لين نور الصبح مابيّن

أسولفله وانا آخيل السحاب اللي كشف ضوه
على دار الحبيب اللي فراقه ماهو بهيّن

عساه يكّت هماله على اللي بالعمر توه
غرير(ن) شدني حسنه والاكثر خلقه الديّن

يغيب وغيبته غربه وعالم كله امشوه
وجرح(ن)ينزف..وقلب(ن)غريب ووضع(ن) أمطيّن

على الدبكه ودلعونا على الاه وعلى لوه
أغني وينها أيامك يابو ردانه يابو أرديّن

يابو أردين؟؟ وش آخرها معك؟لك مده تموه
وانا عايش على اعصابي ولاحنيت ياحنيّن

أحسب أنك قبل تبعد تلمح لي أو تنوه
وفجأه تبعد وتقسى عقب ماكنت متليّن

على الله والامل بالله أشوف أيام محلوه
بقربك ياعسى قلبي بعدها خيره أيعيّن

تعبت ؟!وكان مارديت..سو اللي تبي سوه
ومسألة الزعل كم يوم..هذي حلها هيّن

وأذا رديت يالغالي عسى قلبك على القوه
ترى طبع القسى مايليق بكم يالصاحب الليّن

من البارح الى الليله..وانا وياّ السهرخوه
طلع صبح وسرينا الليل والمحبوب مابيّن

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر