ليل الطرب - عبدالله العشيشان الشراري

أن سرى ليلي معك أو ماسرى
أنت قمراي وضيا ليل الطرب

دايم ألقاك بمنامي والكرى
نظرة عيونك ورعشات الهدب

والله اغيابك بعد عمري ترى
مع جروحي صار يتعبني تعب

وينك أنت الجرح توّه مابرى
والجروح بدون شوفك تلتهب

أيه احبك وأنت تدري وش جرى
لجل عينك كم تحديت الصعب

مشتريك ووالله أنه ماطرى
غيرك أنت وأنت بس اللي أحب

وأنت شف فرق الثرّيا والثرى
كبرهن حبك (كذا)،، بلاسبب

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر