ما نسيتك !
لو أحس إني نسيتك ..
مانسيتك !
لو أموت من القهر ألفين مره ..
مانسيتك ..
لو نسيت الناس والدنيا ونفسي ..
مانسيتك ..
يا ليل .. وش حببك فيني ؟
لايغرك اني معك هادي
مابان لك رعشة يديني
ولا شفت وش بالصدر غادي
وإن كان شد نظرك عيني ؟
ومسابق الدمع للوادي
لا تخاف .. هذا قضى ديني
للملح .. يوم أونس فوادي
أيام ما كانت سنيني
تضحك على كثرة عنادي
كنت أحسب الغيم يبكيني
وكل ما إنكسر خاطري .. زادي
وكنت أحسب الناس تغليني
وتحس .. في كثرة سهادي
وكنت أحسبك .. ماأنت ناسيني
ياليل .. لا عافني .. رقادي
أمسي .. وبالظهر سكيني
وأصبح وأنا جروحي جدادي
ما أقوى على شيل رجليني
والناس .. تركض على زادي
والصاحب اللي .. يواسيني
صار أول .. ثياب الحدادي
كنا على الدرب ماشيني
ومادري من اللي بدى ينادي !
لدْ .. وحسبته .. يحاكيني
وأثره يقول : الجفا بادي
لي صوت أظنه يناديني
وانت أبخص الناس ببعادي
ومن ذيك الأيام .. يكفيني
أحزن على يوم ميلادي
حتى السواد بشرايني
والله حسيت به .. عادي
والحين وش حببك فيني ؟
مابان لك .. ليه انا هادي ؟
أدري إنك :
ما تمنيت .. الصدّف ..
لكن الحظ الردي ..
من يمنعه ؟

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين