ساس التواضع والوفاء

ساس التواضع والوفاء والمودّه
تقبل نصيحة تخدمك عبر الأزمان

وقدّر كبير السن وإن زل عدّه
تبقى عزيز ٍ يافتى الجود فهمان

والطفل بالك تزهله في مردّه
تراه يذكرحيل وش صاروش كان

والكلمه دامك تحتجزها فبدّه
واحذر تنام ويسكنك هم واحزان

ولامن نصاك إنسان إصحى تردّه
مادمت تقدر قدّم الطيب يافلان

يمناك خلّه بالوفاء مستعده
وترى البذل راعيه ماشاف خسران

والكِبر هذا للمنايا مردّه
والذكريبقى دامه بدرب الإحسان

وفعل الجمايل ماربح من يعدّه
تبغى الأجرتلقاه من عند ديّان

وراع النميمه لويجيكم فحدّه
ولا تستمع هرج ٍ على لسان شيطان

ناس ٍ تمادى بالبلاء مستبده
تفرح مادامه فرّقت بين الاثنان