مساء حرفي

لـ عبدالكريم بن خزيم، ، في غير مصنف، آخر تحديث

مساء حرفي - عبدالكريم بن خزيم

يسعد مساء حرفي الى حل طرياك
ويزف لك عبر القصيد التهاني

من قلب عيّا في حياته لاينساك
وكانه حداك الحظ فانا حداني

امواج قلبي تلتطم في حلاياك
غرقان وارقب بالعيون المواني

قلبي معك مايوم يبعد وينساك
لوغبت عني مسكنك بالمحاني

مرّت عليّ ايام وانا اتحراك
اتعب واسليّ خاطري بالأماني

اصبر تحمّل يالغضي لاعدمناك
ماتضيق الا تنفرج يالحناني

كل مايمر الطيف تطري حلاياك
واعيد ذكرى وقت اللي طواني

عمري قضيته هايم ن لاعدمناك
معقول اقول الطيف ضيّع مكاني

تمضي حياتي واعشقك واتمناك
ومهما تغيب ابعيد تسكن كياني

لكن هي الأقدار ماجان قد جاك
حدتني الدنيا اصوغك معاني

فيني وله ياعود غصن ن من الراك
عيّا يغيب وصرت اسهر واعاني

لكن على اللي بامره تدور الأفلاك
يفْرج على اللي من سنين ن يعاني

© 2023 - موقع الشعر