الصراحة - عبدالكريم بن خزيم

سلام ياللي منعرف بالسماحه
مبارك اللي متعب الحرف بالسير

ياشاعر ٍ يشرب من الماء قراحه
حييت يارجل ٍ علومك تباشير

بحّار تفهم في أمور الملاحه
وفي لعبت القيفان نشمي ونحرير

فاهم وعقلك متزن بالرجاحه
حيثك من اللي لاحضر يارد البير

جتني بيوتك منتقاة ٍ براحه
وفي وصفها ميزت قافك عن الغير

كن القصايد طير ستّل جناحه
ينظر يقول الحال فيها مخاسير

كيف أتغزل والبشر مستباحه
وبيوت تهدم صاحبي تحت جنزير

ترىالصهاين تنعرف بالبجاحه
شعب ٍ إلي صرّح تحسه أساطير

الحقد عنده ترجمه في سلاحه
يقتل أمل طفل ٍ يشوف التباشير

الوقت يامبارك عظيمه جراحه
والقدس صوّت ينتخي بالمناعير

جانا اليهودي مسلطات ٍ رماحه
وحنّا العرب بستارنصنع مشاهير

الأرض تحرق ماحسب للمساحه
ومن البوارج يقذف النار خنزير

وين العرب معقول دايم براحه
والناس تذبح يابشر ذبحة الطير

ياصاحبي إن كان تبغى الصراحه
الوضع كله مايبشرك بالخير

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر