من لا يغبـّـر شارب ٍ ما دسّمهْ

من لا يغبّر شارب ٍ ما دسّمهْ
هذا مثل قديم قالوه الرجال

الرجل ما ينهض ليا ذاب نسمهْ
يفشل قبل يطلع على روس الطوال

والوقت ما يرحم ليا احمى مسيمهْ
اما كذا .. والا كذا .. في كل حال

كلن ينال اللي له الله يقسمهْ
بس الجهود الطيّبه عكس الخمال

واللي بدرب الطيب له فعل وسمهْ
بين الرجال يصير له عظم ٍ جلال

والرجل دربه حسبْ عقله يرسمهْ
دربين والثالث ترى ماله مجال

واللي ليا من قام في امر حسمهْ
عساه يسلم من صواديف الليال

الطيب ميدانه لهايب وعسمهْ
حتى ولو ماهوب ميدان القتال

إن كان شاب الرجل ما حاز اوسمهْ
ما يفقده وان مات غير ام العيال

واللي ماغبّر شارب ٍ ما دسمهْ
قلته ومن قبلي تراووه الرجال