لبيه - عبدالعزيز المرشدي

لبيه ياللي تناديني وانا ماشي
في زحمة الناس مدري كيف اللبيلك

ابغى اللتفت لك لكنّي خايف الواشي
يكشف محبتْكْ لي ويضرّ حبيلك

عليك قلبي تقطّع وانحرق جاشي
فرصه وظاعت بعد ما مرّ دربي لك

حاولت اوقّف لكن الفكر منداشي
من خوف ناس ٍ تجهز لك محابيلك

ياحي هالصوت .. يالمفهوق .. يالكاشي
يادرة ٍ يمّها مسيوق قلبيلك

الوصل يسقي كبود ضميّ وعطاشي
والصدق في منهجي بالعلم ينبيلك

ياللي تشرّه علي بهرج ٍ ابلاشي
خذها صراحة محب ٍ ما يخبيلك

و ابك انت غالي على عصري ومغباشي
ولاهوب معقول عقب المدح سبيلك

مير المقاريد ينشي نوها الناشي
عبولي الحقد ثم جاتك تعبيلك

قوم ٍ توزع مكايدها على الماشي
وتموت من حقدها ساعات اللبيلك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر