أعوذ بالله من الشيطان - عبد ربه عتيـّق العازمي العتيبي

عبد ربه بن عتيّق بن سالم العازمي العتيبي
أعوذ بالله من الشيطان

ابليس راع الطريق الشين
واقول بسم الله الرحمن

واكتب لي مْن الشعر بيتين
بمناسبة وقتنا الفتّان

وقت المواويل والتلحين
وقتٍ تغيّر وطبعه شان

ياعنك ماهوب ويا الزين
حتى المَرَه تشرب الدخان

ياناس يامال فرقا العين
مشاكلٍ تالي الأزمان

,يبحل بها حتى ابو قلبين
في مامضى كان ياماكان

حفظ الشرف والحيا والدين
واليوم كلٍ بعهده خان

الصدق وينه وحنا وين
شتان مابينها شتان

مابين الأول وبين الحين
لكنّها حكمة الديّان

جعل عباده على قسمين
قسمٍ يبا يدخل النيران

وقسمٍ يزوّج ب حور العِين
مدخالهم مدخل الريان

الرب راضي وهم راضين
© 2023 - موقع الشعر