يا اهل الركاب اللي من البعد لافين - عايض سعد المروجم

يا اهل الركاب اللي من البعد لافين
اللي عقب طول المسافه ونايا

قدكم لشب النار والكيف مشفين
عقب التعب على ظهور المطايا

خلوا الركايب تتجه يا مضانين
يم الرفايع حي ذيك القرايا

تلقون ابن جدلان في المنزل الزين
مشطر بيته عديم السجايا

لا شافكم على مدى شوفة العين
رحب وكثر من جميل التحايا

يفرح بضيفانه على العسر واللين
ويجود لاما شحوا اهل العطايا

سلم سليم وارثه ورث جدين
سلم على سلم العرب له مزايا

تريضوا والا تصيرون عجلين
واخذوا من النادر نوادر وصايا

اخترته من الناس الاقصى والادنين
حسب الثقه في طيبين العنايا

يا شيخ شعار الجنوب المسمين
عصب على الحساد واهل الحكايا

سوالفه ما سطرت بالدواوين
ولاهي علوم اهل العلوم الدنايا

اشكي عليك الجور من وقتي الشين
يا شيخ سوابي زماني سوايا

ما شفت به رحمه ولا شفت به لين
ما شفت منه الا ردي النوايا

ولا قلت يا وقت العنا والمعنين
الى متى يا وقت كشف الخفايا

قال احتمل واصبر معك ناس ثانين
ناس معذبهم وناس ضحايا

الله على جوره وشداته يعين
ويجبر عزا من راح قلبه شظايا

يابو محمد شف لي الحل ذا للحين
لا هنت يا شوق البني الصبايا

رد الشاعر سعد بن جدلان الأكلبي:
يا الله وحنا منك واليك راجعين

يا والي فوق اليدين الولايا
على القوادي عونة منك يا معين

وحواجز بيني وبين الخطايا
يا مالك الدنيا ويا مالك الدين

هب لي قبل طب الدكاتر وقايا
جتني رسالة معجبين عزيزين

او تطرق ابواب علينا خفايا
حي الرسالة والوصي والموصين

ما غنت الورقا ضحي وعشايا
ما غردت خلج الولايف طفيلين

لا ساح من دوح العطوف الفيايا
قريت خطك قلت يا حي ذا العين

عساك الاول منت باتلى التلايا
شهادة لي من كبار العناوين

الشخص ذاته والعمل والوصايا
يا ابن المروجم يا سعوط المجانين

لاصبحوا سبر الغزاة الحجايا
مبدع وناقد واول المستلذين

باهل الشعر ومداعبات الحكايا
بنات فكرك صوتت للمغنين

ومشت لها بنات فكري جرايا
فوحة عبير تنعش المستمعين

ويجي لها في كل باب صدايا
والله انها اشوى من ونين المصاخين

اللي يزيدون الكوايا كوايا
واقبل سلامي يا عشير المزايين

نجل العيون معسلات الشفايا
© 2022 - موقع الشعر