الكلمه اللي تودع القلب نصفيـن - ضيف الله مغرق المرزوقي

الكلمه اللي تودع القلب نصفين
لو قلتها يكثر عليه بلاها

اكنها في خاطري مدة سنين
واصبر عليها لين تلحق مداها

من شانها زودت حملي بحملين
حملن على نفسي وحملن وراها

اخشى سوالف ناقص العقل والدين
من كلمتن وسط المجالس رماها

وادرا كبار القوم واللي عزيزين
واصد عن بعض العلوم وغثاها

كله لجل واحد ويتليه ثنتين
همه غناة الروح وايضا حلاها

لعيونهم بصبر على الزين والشين
ورد نفسي لو مشت في هواها

ورفع يديني للولي مالك الدين
يثبت قدم رجلي ويدمح خطاها

مع ركعتن لاراح بالليل ثلثين
من قامها ينسى الحياه وعناها

اطمع بها واترك كثير الملايين
للي جمع دنياه ودينه نساها

وسلاااامتكم.....اخوكم ضيف الله مغرق المرزوقي( راعي الجهامه)

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر