يا محمد الأعمال طالع ونازّل - ضيف الله بن سويلم العتيبي

يا محمد الأعمال طالع ونازّل
افطن ترى الانسان منهي ومأمور

خوفك من الله خير واقي وعازل
بلطفه من الظلمات يخرجك للنور

أبغاك خيرة من يسم وسم مغزّل
وسم قبيلتنا العزيزة على الخور

هذي نصيحة مابدعت أتغزّل
الله يرزقنا الكواعب من الحور

جزل الشعر مقبول لو غيره أجزّل
ولا خير في قولٍ يقرّب من الزور

خير الكلام اللي من الله منزّل
وماقاله أحمد في الصحيحين مسطور

لو نركب اللكزس ونجلس على الزّل
ونسكن في برج المملكة عالي الدور

لابد عن كل الملذات نِعزّل
عمر الفتى محدود والقبر محفور

يالله نزّلنا بخير المنازّل
وبدّل لنا الدنيا بجنات وقصور

مشروب أهلها سلسبيلٍ إليا زِّل
وطعامهم ما لذّ مع لحمة طيور

أبي أتجه للآخرة زل ما زّل
وأقول يا ربي عسى الذنب مغفور

© 2022 - موقع الشعر