يالله يـا محيـي البسيطـة مـن الـرش - ضيف الله بن سويلم العتيبي

يالله يا محيي البسيطة من الرش
ليا علّها وبل السحاب المنشّي

ياخذ ثمان ليال والسيل ما نش
حتى يزين بمملكتنا التمشّي

الله من شيٍ يحش الحشا حش
كنّ النشيط يقالبه بالمحشّي

واعزتي للي دخل جوفه الغش
ولو قيل طيّب يعرَف المستغشّي

أشوف لي دابٍ على المجتمع خش
ولو اتفقنا ما لقى له مخشّي

دابٍ خطير أسود يخوّف اليا وش
و سم الحنش بين الشباب متفشّي

دابٍ تلحّف فالشباب وتفرش
متغديٍ فالمجتمع ومتعشّي

ومن ذاق سم الداب يروح فاللنش
في ليل وأمواج وسحابٍ يرشّي

الله على من يمنع الداب ويطش
على اليهود أعداء الشريعة يطشّي

وبعض المصايب شاهدوها على الدش
تبثّها الأقمار في كل دشّي

وخوفي على اللي ساع طاروا من العش
ووآل أمرهم مثل البعير المعشّي

وجه الكريم ان شاف راع الوفا بش
ووجه البخيل تقابله ما يبشّي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر