يامنيـر سجـل كلمتـي بالجـريـده - ضيف الله بن سويلم العتيبي

يامنير سجل كلمتي بالجريده
ووزع صورها للعرب بالبريدي

ماني براعي كلمة ٍ ماتفيده
ماقوللك غير الكلام المفيدي

المدح في بعض البشر مانريده
مايصلح الا في كما ابن الوليدي

رمز الوفا جامع وبيت القصيده
وان ما مدحته لاتبارك قصيدي

جامع جمع كل الصفات الحميده
من ابوه اخذها ماتعنّى بعيدي

امير من صلب الامير وعضيده
والنعم والله بالابو والعضيدي

امارته من ساس ماهي جديده
بادت امم وامارته ماتبيدي

كل المراجل سجلت في رصيده
ولو قيل كافي قال هل من مزيدي

جامع اليا واعد صدق فالوعيده
واليا عطاك الراي رايه سديدي

ولو جيت اوصّف له صفات ٍ عديده
علم ٍ وحلم وللمعاند عنيدي

الله وانا ساله بفضله يزيده
اقبل دعانا يالحميد المجيدي

وامنح لابو تركي سنين ٍ مديده
يطول عمره والحساني تزيدي

© 2024 - موقع الشعر