يا صاحبي

يا اهل الدعايه و قفوا نشر الاخبار نتيجة الكذاب دايم و خيمه يبلش بها العاقل من اسباب ثرثار ثرثار ما جاب العلوم السليمه يحلل الموضوع بلسان منشار نميمة ٍ يا قشرها من نميمه ياصاحبي خل العتب و الصدر فار من صدتك هذي علينا جريمه لا تقفي بعلمك وتنسى الذي صار اشره على الصاحب يامال الغنيمه و الاجودي يقبل من الناس الاعذار لا ساق لك عذره بقدر وحشيمه والا يعلمك الخطا سوء الافكار و السالفه ماهي علينا مقيمه لا تصير بلسانك كما سيف جزار تاكل لحم صاحبك ظلم و ظليمه ماني على الصاحب ردين و بوار و لاني ولد لاش ٍ يذب الخريمه انا خوي الصادقين من الاخيار اللي لهم قدر و معزه و شيمه النيه البيضا مثل وبل الامطار دايم تربع بالنفوس الكريمه الوافي الطيب على الحق صبار يدمح خطا المخطي بنفسٍ رحيمه واللي عن الزلات مايقبل اعذار ومسوي الموضوع مسرح جريمه خله على فاله ترى الوقت دوار بكره تبين له علوم ٍ عظيمه لا تبتلش والا تضايق و تحتار دام العقول الوافيه مستقيمه و لا تلد عينك كل ماشبت النار النار تاليها تعود هشيمه العقل لرجال زينه و مقدار و اللي بلا عق

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.