ياليل كنك تجمع الحزن بسكات وتحطه بقلبي وأنا مالي سوات غيوم حزني تجتمع كوم مع كوم ولاعدت الساعة عشر ضيقتي جات يسريبي الهاجس من أرض المدينه وأفقدك يا أغلى شخص وأحلى الحكايات لك في فراقي شعر وأحساس وشعور ولي فالمدينه عقب غيبتك دورات طاريك يشغل خافقي كل ساعه وطيفك يجيني كل ماجيت ابا ابات يامرحبا ياطيف الأحباب حييت يامرحبا رغم الظروف الصعيبات أشتاق لك في كل شين أشوفه وأشتاق لك رغم التعب والمسافات وأشتاق لك لو بعد مده طويله وأفقدك في كل الأماكن والأوقات أحيان أحس انك معي قاسيٍ حيل وأحيان تشفع لك مواقف قديمات في غيبتك كل المشاعر حزينه حتى القصايد في غيابك حزينات في غيبتك كل المشاعر قصايد وفي جيتك ماللقصايد مجالات ألا قصيد الحب والشوق والوصف أقولها في وصف ذيك الجديلات يابو جديلن كنه الليل لا انهل ويابو صباحن في جبينك مسرات ويابو عيونن كل ماسلهمت لي أقول في نفسي لقلبي سلامات ويابو شفاهن في طرفها علامه ريقك شهد وأنفاسك أحلى العطورات ويابو قوامن كنه الغصن لامال غصنن جمع كل الورود الجميلات الصدر زامي والخصر ميتن جوع وردوفك مع الخصر ماهن سويات وشاعرك لامنه كتبلك قصيده يغرف من بحور البيوت الجزيلات

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين