أحبك .. وإلا ماأحبك

أروح بعيد بأفكاري ويرجع كل ما يمضي
يذكرني غلاك اللي رسمته يوم في قلبك

وكثر ما ملت الشكوى ملّت حاجتي تقضي
توضح لك شعور يحتوي شرقك مع غربك

حبيبي لا يصيبك شك .. أنا بطولي وبعرضي
أحبك أي نعم وأحلف ويشهد ربي وربك

حبيبي تدري من يشغل بالي وليش ماأفضي
وأنا عندي خبر تدري بقلبي وش كثر حبك

أنا أشوفك أمل لكن سحابك تجتنب أرضي
وبقى فيني الأمل مثل السراب ويحتضن قربك

ونعم هذا مثل ما كان حالي فيك ما يرضي
أنا من وين ما أمشي بحظي يبتعد دربك

ودايم وردتي بإيدي وأجرب فيك أنا حظي
أحبّك .. وإلا ما أحبّك .. أحبّك وإلا ما أحبّك ؟ ؟