ذكرى الراحلين - صقر النصافي

هذا مكان اربوعنا يامهلي
اليوم تذريبه هبوب الشمالي

ماكنهم ذيك الليالي اقصر لّي
ولا كن منزلهم نزل فيه غالي

ضحكي على جهالهم في محلّي
يزيل عن قلبي هموم الليالي

شدوا وشدتهم يبون التعلّي
يبون شرب الما ورعي السهالي

الله يرزقهم بوسم يهلّي
اللي يبل ادبيشهم بالمفالي

أنا قعدت ابمقعد جايز لّي
وأنا أحمد الله ماقصرني حلالي

أبيع وأشري في صفاتي وأدلي
مرهن على نفسي وعيشة عيالي

غزيل الوادي
© 2024 - موقع الشعر