ياطير يااللي علـى الاجـوال هداتـه - صقر الصقر

ياطير يااللي على الاجوال هداته
حرٍ طليقٍ على الاجوال ينداعي

حرٍ طليقٍ تسر البال صوعاته
مخالبه تشلع الصيده تشلاعي

لاصف ريشه وحول عقب صكاته
طريدته ريشها جاله تهزاعي

مضاربه فى الثنادي عقب صفقاته
توزعة واللحم جاله تمزاعي

تسمع هشيم العظام بفعل ضرباته
من فعلها كل طاير غصب ينصاعي

له حومةٍ فى الهوى ويشن غاراته
من سطوته ماطمع به كل طماعي

حرٍ على الطيب وارث كل عاداته
ورثٍ حقيقي ولايصنع تصناعي

ودرب المراجل صعيبه كل غاياته
ولا كل رجال يعرف درب الاسناعي

أعرف عريب الجدود وكل صولاته
ماني على الهرج باالاذنين سماعي

له خاطرٍ عندنا واجب مرعاته
محبتن مازرعها كل زراعي

والحر حر(ن) ونعرف كل شاراته
متبوع فى الدرب ما قد صار تباعي

والعز ماني بقاصر دون هاماته
ورثٍ لابويه وجدي يوم الاطماعي

(وصقر الصقر) يمدح( العاكور) بابياته
ويستاهل المدح وابصم له باالاصباعي

وصلاة ربي عدد ماقريت آياته
واعداد من صام والا بالحرم ساعي

على نبيٍ صدقنا في بشاراته
يامر بوصل الرحم ماهو بقطاعي

© 2024 - موقع الشعر