صاحبي يانـاس روّح وخلانـي - صقر الصقر

صاحبي ياناس روّح وخلاني
من يجيب العلم من داعج عيونه

بانيٍ له قصر في وسط بستاني
وحولها جندٍ من الناس يحمونه

في الحديقه ورد في وسط ريحاني
وان بغى له ورد يقطف ويعطونه

قرب شلالٍ على شكل ضلعاني
ناقضٍ شقرٍ كست نابي متونه

مايشوفه غير انا شوف الاعياني
جعل عين الحسد ماتنظر اردونه

عينها عين اشقر الطير حوراني
كايدٍ صيده عن اللي يصيدونه

وسلة خشيمه كما السيف شاماني
منوة اللي للملاقى يعدونه

وصف فمها مثل خاتم سليماني
فاح مسكه كل مافاح مكنونه

بلغوه اني من الهم مرضاني
وكان له مطلب بخطه تجيبونه

شاركٍ قلبي معه طول الازماني
ماسطى غيره من الناس مزيونه

في مكانٍ مادخل غيره انساني
فوق عرشه جالسٍ لو تشوفونه

© 2024 - موقع الشعر