الصقر طاح اليوم بشباك ورقا
سبحان مخلف قاسيات الطبوعي
من عقب ماني في هوا الجو وارقا
واسنع اللي مايعرف السنوعي
سرقت قلبي والمعاليق سرقا
ياكيف اخذته بين حدب الضلوعي
يادارق قلوب العشاشيق درقا
من فعلتك ماني بحالي جزوعي
ماشفت مثلك بين روقٍ وبرقا
ولاشفت مثلك في جميع النجوعي
احرقت قلبي والمعاليق حرقا
والعين جفت ماتهل الدموعي
في بحر حبك شفت موتٍ وغرقا
ياموقدٍ وسط الظلام الشموعي
زرقتني بسهوم فرقاك زرقا
بعدك عن الخاطر وفعلك يروعي
البعد يطرق حالتي منك طرقا
وزودٍ على بعدك بوصلك قطوعي
ياالعين لاتشكين بعدٍ وفرقا
وين الزحول مفرقين الجموعي
هم قمة التاريخ غربٍ وشرقا
والحب طوعهم على غير طوعي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.