الشعر

لـ فواز حمود بن غضيان، ، في التعليم والتوجيه، 22، آخر تحديث

الشعر - فواز حمود بن غضيان

من باطن الأعماق نستخرج الماس
من حاضر الزمان ولا قديمه

‏يحرم علي اخذه إذا كان لناس
‏وأن كان لي حقٍ عسى الله يديمه

والشعر من واقع تجاريب وإحساس
ملامسٍ أهل العقول الحكيمة‏

والشعر له حبكه وسبكه بالأقواس‏
بيتٍ‏ ورا بيتٍ بقوه وعزيمه

والبيت لابد انه يبنا على أساس
‏ومن دون ساسه ماله ايات قيمة

موضوع ورساله وموقف ونوماس
معنى وقافٍ والمثايل عظيمة

‏دلايل العربان وديوان ومدراس
‏أقولها صادق ولا هي نميمه

‏جزل المعاني اكسجينٍ للانفاس
‏يشرح صدورٍ كل ما هب نسيمه

‏هذا الصحيح وغير هذا ترى فلاس
اللي يجي شعره سوالف عقيمه‏

‏سرد السوالف لو تدقق بلا راس
هرجٍ ماهو مقدر ولا له حشيمه

كلن يفصل له على قياسه الباس
لاكن في ناس ٍتراها غشيمه

‏خلو طواريقه بلا علم وقياس
والله يعين الحال والله رحيمه

مع كل هذا ادخلو فيه الانجاس
ناس ٍبليا شروط دشو نعيمه

اهم حاجه انّها حبر فوق قرطاس
وكسورها واجد ولا هي سليمه

لامن سمعته تجيك دوخه مع نعاس
وما شجعه غير النفوس السقيمه

والبعض يلقب نفسه السيف والفاس
ويقيمون الناس ناسٍ لئيمه

‏دون التجارب سارقٍ كل هوجاس
ولو كان في احكام صارت جريمه

‏ والسرق والتزوير لضعيف الباس
‏ما هي صفات أهل اليدين الكريمه

ويراقب العالم وهو كله خياس
بين اربعة اسوار مثل البهيمه

سموه شاعر لاكن الوضع محتاس
يستاهل اللي مثل كل الشتيمه

‏يا ليت لو كانت بها جند وحراس
‏ما كان شفنا بعضها مستقيمه

واللي ترى ما يدخله شك وسواس
ياقف معا الحق ولا يرضى الظليمه

© 2024 - موقع الشعر