ظلام الليل - عماد محمد الرشيدي

ظلام الليل يغزيني ولا املك من ظلامه نور
و ابظهر فرحتي للدرب لو ماني على اليمه

مادام ان العمر مره وتاليها كفن وقبور
ومادام ان البنادم آخرته ترابه يضمه

تعبت اكابر واسكت وانا من داخلي مقهور
وتعبت اصد عن طاريه واشيل بداخلي همه

احبه شي كاتبه الإله وفيه انا معذور
مادام الله خلق فيه الكمال وصار به تمه

كشفت الي مخفيه وتباين ما بقى مستور
لو اني مابغيت اجيب في بوحي لي مطمه

اذا شفته احس اني ملكت الكوكب المعمور
واذا فكرت في غيره احس اني بلا ذمه

غيابه في حساباتي على الساعه ثمان شهور
وشتاتي كل مايكثر بصوته يقدر يلمه

اذا قلطته بقلبي اقول اقلط على الميسور
تفضل والمشاعر كلها من شوق ملتمه

© 2024 - موقع الشعر