ما يشوف الفرزدق شي ولا جرير - فهد المنصوري

كلما جيت عن وجهه الظروف أندرق
وأفرش الدرب في ممشاي ورد وحرير

قمت أدوّر على لحظه عنه بنسرق
وأكتشفني وقال أرجع ورى يا مودير

فاخر الصف تلقاني هناك أحترق
من لهيب الظروف القاسيه مستجير

فيك يا اللي مسبّب لي جهاد وأرق
سارق القوس منّي والسهم والبعير

رد لي شي منها بعد جف العرق
بعد حديتني فيها لبئس المصير

لا تخليني أوقف عند مفرق طرق
مثل جندي مجازينه "للامر الاخير"

لعّبيني مهاجم ضد كل الفرق
راس حربه ، مدافع ، ولا حتى ضهير

المهمّ اني أبقا لك ولا نفترق
وكل حاجه في على بالك تباها تصير

يا بعد من وصوفه في وصوفه فرق
جل منهو على صنعك وخلقك قدير

أنتي الطف من النسمه ويمكن آرق
وأنتي أعذب من الغيمه وماكِ غزير

من سبح في عيونك مات فيها غرق
راح مرواح قرمن ما لحق يستخير

نطّحوه الجيوش وتحسب أنه ذرق
لين صكت عليه صفوف جمعٍ غفير

من سببها نظامي صايرن مخترق
شوف لي حل عندك طالبك يا الامير

جيت لك مثل شاعر دوب نجمه برق
حط نفسه على الشعار مثل المدير

لا كتب في عيونك قام حتى الورق
ما يشوف الفرزدق شي ولا جرير

#فهد_المنصوري
© 2024 - موقع الشعر