دام عزك ياوطن كل ما نبي

لـ فايز القريقري، ، في الوطنيات، آخر تحديث

دام عزك ياوطن كل ما نبي - فايز القريقري

لكْ تهاني عيد يا الشعب الأبي
في حياتي راس مالي مكسبي

في وطن عايد علينا بالفرح
دام عزك يا وطن كلْ مانبي

يا وطن لك عزة ٍ في عزته
السعود اللي عريب المنسبي

وارث الجدّ السلف واللي خلف
الميامين الذّياب الأشهبي

إرتقوا بالشعب عالي فالسما
في حما سلمان نسل اليعربي

من ولد عبدالعزيز اللي لنا
الاب الروحي يالاقلام اكتبي

مع ولي عهده محمد الهمم
صاحب الرؤيا بعين الثاقبي

في مصادر دخلنا عددلنا
واصبحت دوله تِصنِّعْ ماتبي

شيد العمران باني له مدن
بالصّحاري القحاح الأجدبي

والمواطن عندهم هو الأهم
في رخا العيشة لشعبه يدأبي

حقّق آمال البدو حتى الحضر
بالسلام مع أمْن هذا مطلبي

يا سحابه خلْتها فوق البحَرْ
يا ثُعول ٍ بالمطر هيا اسْكبي

رشْرشي بْهتان علّه ينجلي
من على أرْض الحرم أرْض النبي

كلّ مايْكنّ العدى يا دولة ٍ
حاكمه بالشرع بأصدق مذهبي

مذهب الأسْلاف نهج ٍ أحمدي
يا وطن لك حالف ٍ بامّي وابي

ما يدنّس لكْ تراب ٍ يا فدا
يا فدا مالي و روحي والصّبي

بالوطن لي قلْب نابض ماسلا
ولاغفى جفني بنومه يطْري بي

صوت هامس قائلاً حيّ الوطن
رافعه صوتي بْسلام ٍ أعذبي

سارعي للمجد والعليا وطن
ياعسى كلْ ضامر الشر متربي

© 2024 - موقع الشعر