خلاص ماتت فرحتي وإبتهاجي
مكتوب أعيش الحزن وحدي ولا ارتاح ..!
للوقت .. ما سقت الغضب وإحتجاجي
راضي ولكن .. إمتلى الخافق جْراح ..!
تعبت ادوّر في حياتي علاجي
تعبت ادوّر في معاناتي سْلاح ..!
غريب .. ما عندي وطن .. جيت لاجي
ما فيه لي ملجى .. وراح اللذي راح
يوم انكسر ضيّي وهالليل داجي
ماتت ملامح فرحتي والحزن لاح ..!
طارت حمامات الوله وإحتياجي
ايلين جتني بس .. مكسورة جْناح
يا هم .. كسّرت الخفوق الزجاجي
دقّيت نجْر الصدْر يا هم ثم صاح
ما عاد فنجالي يكيّف مزاجي
ما فيه غير حْروف همّي ومسباح
بيني وبين الهم شي إندماجي!
لاني مع الغادي ولاني بمرواح
طالت حكاية حزني الإزدواجي
لا عاد ابي اضحك ولا عاد ابرتاح ..!
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.