يا رفيق الخير مال الفلاح الا الفليح - ناصر حمد الخالدي

يا رفيق الخير مال الفلاح الا الفليح
اعتبر من واقعك قبل لا يلحق مداك

كان لك قلبً نظيف وضميراً مستريح
اترك الباقي على الله ولا تبحث خفاك

النتيجه واضحه لو تقوم ولو تطيح
دون ناسً ما تثمن زعلك اولا رضاك

ودامك امقدر وعند النشاما هب ريح
ومن بغاك بحاجتن له على الدنيا نصاك

الزم الصمت وتجنب ابو وجهً قبيح
واضبط النفس وتفرج على هذا وذاك

يكشف الله لك اصدورن بيفضحها الكحيح
ويرمي الله من على البهت والغره رماك

الليالي مستديره ودورتها تزيح
غمتن تفشل وجيهن تهرّم في لقاك

وما يصح الا الصحيح وتحرا للصحيح
قبل ما تفقد صوابك وتخسر من خطاك

واللي ايودك ما يصبح بوده لك شحيح
لو تشح بمد زادك وتقطع عنه ماك

واللي بصدره اسدودن على الدنيا تبيح
باحها لو قلتله يا ولد زحم وراك

الله يعوضك عن الضيق بالكون الفسيح
واترك المقفي بشانه ما دام انه شناك

© 2024 - موقع الشعر