مصدر الهام القصيد المختلف

لـ فهد المنصوري، ، في الغزل والوصف، 31، آخر تحديث

مصدر الهام القصيد المختلف - فهد المنصوري

طيفك اللي كلما حان المغيب
‫ مصدر الهام القصيد المختلف

ما أخبر انه غاب عنّي يا الحبيب
مثل غيبت شاعر المنبر "خلف"

ليت لي حيله على وصلك قريب
كان أبصمّل وأفتح لحبك ملف

شوف صدري بعد ما جيته رحيب
لاحقه قبلك من الدنيا صلف

عدْ به واقلط وجيب اللي تجيب
بعد همي فارق الصدر وذلف

لا تفكر تعتذر .. ولأ تغيب
ضيفنا ما نعذره لو هو حلفً

والحسود اللي بنظراته يصيب
لعترضنا ، جعل عينه للتلف

‏لو كتب لي معك يا الفارق نصيب
معك والله ما بدور ولا بلف

بحمد الله واشكره وانا مُنيب 🤲🏼
مثل شكر الصالحين من السلف

سيرتك عطره ومجناها عريب‬
إيتبختر ( يائها ) قبل ( الالف )‬

تصنع البسمه على وجه الكئيب‬
‫ وتعطي الفرحه عطى ما هي سلف‬

#فهد_المنصوري
© 2023 - موقع الشعر