المختلف وأصايل - خالد المركوز

انت روح اللي نشرته فالمجلّه
ياعيون (المختلف) وعيون (اصايل)

والله ان اللي كتبته فيك كلّه
مالغيرك فيه ياكون القلايل

واعتبرها زلةٍ ماهيب زلّه
لاتعّدت ضوح جيدك والجدايل

كل مشروهٍ من الكبد المغلّه
وكل عذرٍ من وريد القلب سايل

وجهته يمّك وماخذها مدلّه
منت الاول جعلها فداك الاوايل

ياهلال العيد غير عْن الاهلّه
فارقٍ وايام خلق الله دلايل

ترقبك ناسٍ لها مذهب وملّه
وتحسب لك حسبة كبار المسايل

لعنبوك انت الغلا دقّه وجلّه
ويش عاد اقول ؟ ماعدني بقايل

غير هِيد وكل شيٍ في محلّه
والمثايل . ماعليك من المثايل

والله ان احطّها لك فالمجلّه
واقرها فالمختلف ولاّ فاصايل

© 2024 - موقع الشعر