يضمك فؤادي وانفاسي

على هونك على هونك
ترى قلبي فلا يخونك

متى حبيت ترجع لي
يظل بيت الغلا كونك

هنا أول عمر كنا
تحاببنا و تقابلنا

متى حبيت ترجع لي
هواجسنا تذكرنا

على ذاك السطح نمنا
يهب ريح الوله منا

سوالف غصنها دنى
على عينك وله يدلي

ولو تنكر غلا حُبي
نبت في وجنتك حَبي

ولو تمشي ولو تحبي
تلاقي شخص مو مثلي

تحمل طبعك القاسي
تجاهل حتى احساسي

متى حبيت ترجع لي
يضمك فْؤادي وانفاسي

بقلمي... ابو عبدالله المضياني
أسير الحرف