حدتني الدنيا - سعد الطبيخي

حدتني الدنيا على صد غالي
وانا معه مايوم عشنا القطيعه

ضاعة حقوق الحب وضاعة امالي
مدامك بغيري توالي وتطيعه

مهما جروحك فالخفايا توالي
انا شريت الحب ماني ابيعه

وظفت حبك في ظميري معالي
وخليت جرحك في ظلوعي وديعه

صرت القريب وعم قلبي وخالي
وصرت الفرح في ضيقتي والوسيعه

من قبل اعرفك كنت عايش بفالي
واليوم صرت الجرح وصرت الفجيعه

حط العواذل في زمانك مثالي
شفهم على هدم السواري المنيعه

وشلون كنت تقول بعدي محالي
واليوم شفت القرب روٌح ربيعه

امسيت صبري بين ريح الشمالي
وصبحت مابين البراد وصقيعه

وخليت عمري بين ضيق وثقالي
ونزلت نفسي بعد ماهي رفيعه

واليوم شفت البعد مثل الجبالي
واضح بعينك جيتك بالقطيعه

انا عشقتك عشق حب وصالي
والحب فيني صدق ماهو بديعه

هذي بيوتي قلتها لك قبالي
ماهمني من راح نفسي رفيعه

فمان ربي خذ بيوتي ارتجالي
خلقني الله حر ماني ابتبيعه

© 2024 - موقع الشعر