حمامة سلام

تدّعي بالنزاهه وانت ماخذ سنام
أنت حتى الكحل من عينها تسرقه

أن بغيت الصراحه والصراحه وسام
كرتها لو يطول الوقت ما تحرقه

منت واصل طموح ولا أنت بالغ مرام
أنت فالسوق حتى السوم ما تفرقه

لا تسوي على راسي 'حمامة سلام' 🕊
وأنت وجهك عن الهفوات ما تدرقه

يوم تجحد دروبٍ جابتك للظلام
وأنت لك موترٍ بنشر على مفرقه

تحسب إنك بترجع في نظرنا تمام
بعد شمس الحقيقه أصبحت مشرقه

أنت مسمار صلب أعوج علي الحرام
ما يتعدّل قبل ما يونس المطرقه 🔨

عزّت النفس ماهي بالحكي والكلام
أحفظ الما في وجهك لا يروح أمرقه

#فهد_المنصوري