ضحايا فتنْ

أرخي عنان الكلام .. أنا دخيل الكلام
مسامعي من ظلام الصمت ماهي معي

لا تتركين السوالف في سجون العظام
حرُية الحرف هي .. حريه ل مسمعي

حرام فعلي و فعلك معي فوق الحرام
تطغى ذنوب العبيد و يفقدون الوعي

ونصبح ضحايا فتن و نسد فم الملام
في عالم اللهفه اللي زاد فيه .. اطمعي

تحقيق رغبات نفسي تحت جنح الظلام
ماهو نقا و ادري انه ضد مافي .. اضلعي

وانا بشر مستقيم و لا خرقت النظام
على شريعة محمد والشهيد .. اصبعي

بس انفتنت ب هواك .. ولاني على ما يرام
ولولا الفتن و الدوافع كان قلت ،، ارجعي

في ساعةٍ صار فيها الحق عندي .. حطام
يانفس من لذة العصيان دوك .. اشبعي