هلابك .. - سيف بن سالم الغسيني

هلابك .. يا فرح لوّن حياتي
هلابك .. يا بعد روحي وذاتي
إحضن أشواقي بدفا
ضمني بعد الجفا
هدني شوقي بغيابك ..
هلابك .. يا هلابك
 
منهو غيرك .. تفقد عيوني غلاه
منهو غيرك .. قلبي يشتاق لهواه
قبلك إنته ما قدر
يسكن بروحي بشر
هدني شوقي بغيابك ..
هلابك .. يا هلابك
 
إنته حبك .. مالي الدنيا علي
وأدري قلبك .. غير حبي ما يبي
قلبي في قربك لقى
راحته بعد الشقى
هدني شوقي بغيابك ..
هلابك .. يا هلابك
© 2022 - موقع الشعر