ودي اضمك مير ما الله اراده

لـ مسعود القحطاني، ، في الغزل والوصف، آخر تحديث

ودي اضمك مير ما الله اراده - مسعود القحطاني

ودي اضمك مير ما الله اراده
يا فتنه تاخذ عقول الغنادير

انتي على زينك اخذتي شهاده
دلوعه تخلف جميع الطوابير

ياليتني من فوق صدرك قلاده
أو ليتني من فوق راسك كما الطير

من راح عن وجهك تجيه القراده
وجهك اذا شفته تجيني التباشير

أي والله إن وجهك يجيب السعاده
غصب علي بشوفته اعكس السير

استغفر الله ما عبدتك عباده
انتي بجمالك تذبحين المسايير

ياماخذ قلب الغلا من فؤاده
مانيب طايق منك كل المعاذير

حني على الفارس وحني جواده
وخلي الوصل يبقى بدون أي تبرير

متسيده من فوق ذيك السياده
متفرده ماهي تقوى على الضير

دلوعه ما خضعتها القياده
تقبل علي بالوجه وتقول تحذير

في شفها يا ناس سكر زياده
ومن صدرها تنصاع كل المناعير

صدر اليا شفته تعلى الرياده
من حول صدر الزين كبرت تكبير

صدرن عليه الليل ينسى سواده
يقول صدره منت مقبل على خير

ومن خصرها شفت الصبر والجلاده
كن الخصر سوَر على الردف تسوير

والردف تحت الخصر خلّى بلاده
هبت على الردف المربرب اعاصير

ياقف على ردفه جناح الجراده
محارب ردفه كما حربه الزير

ما فيه ردف يشبه ردوف غاده
ردف تكوّر ماهوب محتاج تكوير

ياليت هذا البعد ما هو عاده
ياليتي يرجع لي وارخي الدنانير

اطلبك يالله لا يطول بعاده
قد صاب قلبي في بعاده مخاسير

اعطيك قلب قد بعث لك وداده
يحتاج هذا القلب يا بنت تصوير

ياليتني وياك فوق الوساده
والليل توه ما حصل فيه تغيير

وافصخك ثوب على الجسم ساده
وتهيم في جسمك كثير التفاكير

واختم قصيدي فيك واعطي اشاده
وتجين يمي دون بعد وتقصير

الشاعر مسعود القحطاني
© 2024 - موقع الشعر