قلبي خضر .. والدم عنـــابي - صالح ال كحله

ياناشد عن هوى صالح ...وعن روحه
اربع ليال ٍ مضت .. وان على اعاصبي

اتعبت فكري من الجيات ....والروحه
وطرف العنا ... بالكرى والسهد ما طابي

ومن لا يفرق ما بين الجد ....ومزوحه
يتعب ولا بد من ......الايام ينصابي

ما اعذب الحب .. فيه ضحكه وفي نوحه
له لذة ٍ في تلاقي..... شمل الاحبابي

قولوا لها والله ان.... ماهي بمسموحه
ابرسل احروفي ....اللي تنقل اعتابي

وقولوا لها شاعرك لا يفضحه بوحه
حبك ..وبداك... دون الناس الاقرابي

ما دام مزيونه,,, وترفه,,, ومملوحه
يعني غرورك ضريبة .. زود الاعجابي

مياسة القد ... والزلات ..مدموحه
انتي لي المبتداء ... وانا وش اعرابي

قد قيل من سبك... ايحبك ...بمصلوحه
وانا باسبك .. واحبك .. واحسب احسابي

احبك... الا...أعشقكك ... عشق .. يالوحه
وان ما لفاني جوابك ... باعلن.. اضرابي

يا ناشد عن هوى صالح ..وعن روحه
اعلن لي اعلان في... وجهي .. وبغيابي

انا سعودي.... وروحي تسكن.... الدوحه
ما تشوف قلبي ( خضر) والدم ( عنابي )

© 2024 - موقع الشعر