قلبي حكم - نبيل عثمان الصلوي

قلبي حكم يارشا يا أحوم
أين ما تولي معك خذني
مادام والقلب بك مغرم
أشتيك دايم قريب مني
أشتي بقربك أعيش وانعم
خذني معك والنبي خذني
 
كم لي متيم بحبك كم
ما يوم قدخاب فيك ظني
إرحم قليبي الولوع إرحم
حرام تسرح وتتركني
مادام والقلب بك مغرم
خذني معك والنبي خذني
 
مشغول بك وانت ماتعلم
ارجوك ياخل تفهمني
لاعد تزيد فوق همي هم
أشتيك جنبي تواسيني
مادام والقلب بك مغرم
خذني معك والنبي خذني
 
لو غبت عن عيني اتألم
ودقات قلبي تعذبني
والنار وسط الحشا تضرم
حرام بالبعد تكويني
مادام والقلب بك مغرم
خذني معك والنبي خذني
 
يا دري الثغر والمبسم
حبك سرى في شراييني
قربك دوا القلب والبلسم
فيك السلا يانظر عيني
إرحم قليبي الشجي المغرم
خذني معك والنبي خذني
🌷🌷🌷🌷🌷🌷🌷🌷🌷
كلمات/ نبيل عثمان الصلوي
2021/10/28
🌹🌹🌹🌹🌹🌹🌹🌹🌹
© 2022 - موقع الشعر