فلة حجاج

ياللي معودني على فلّة احجاج
ماكان اسمي في ضميرك مقرّه
الله واكبر صرت مصدر للازعاج
ماكنت لك رمز الوفا والمسرّه
غيرت منهاجك على غير منهاج
بدّلت مجمول الرضا بالتَّشرّه
مايعجبك مازح ولايعجبك صاج
ولايعجبك تبعد خطاويك مره
من صد مادوّرْت له طب علاج
ماني مع المقفين تبّاع جرّه
والهرجه اللي مرّت لباب هرّاج
مرّت على بابه ولاهي بْمرّه
طاحت عليه امْن السما كنّها افراج
ارسل مناديبه بخيله وشرّه
اعْلوم ليل ن مايدوّر لها اسراج
همّه ايدوّر بين الاجواد غرّه
نبدي تجاهلنا تحاشي للاحراج
لاصارت الدعوة بليا مضرّه
عبدالرحمن الناهي